Ar gelaouenn sevenadurel e brezhoneg - Bep eil miz - Koumanantit ! 35€ nemetken !

Texte de présentation en français Text of presentation in english

Ur gelaouenn lennegel e brezhoneg penn-da-benn eo Al Liamm, ha
kement-se abaoe ouzhpenn 70 vloaz.
Pellgargit un niverenn skouer ...

Al Liamm - Diverradenn

Diverradenn an niverenn ziwezhañ

Golo

Al Liamm niverenn 433

Evel ar gwez en nevezamzer e tispak an niverenn-mañ pennadoù heverk ha niverus. Ar c’hentañ barzhoneg Kaner en nevedoù, a zo bet savet gant I. Couée en enor da Yann-Fañch Kemener. Da-heul e teu Dinamit gant A. Kersaudy, Barzhoniezh gant F. Gwenn ha Promesa gant P. Tabuteau.

Liesliv ha liesvlaz eo ar faltazi e rann an danevelloù : Ar c’helenner hag ar spierez gant J. Penneg a gas ac’hanomp betek Kemper da-heul Kevin, ur stummer war ar brezhoneg. Ar c’havell goullo gant F. an Du a zo karget a gizidigezh. War glask gant L. Tangi a gont un enklask kuzh. Rock Land gant P. Rannou a zegas fent e Menez Are. An telagonig flaerius gant M-C Jacq a ro buhez da loened souezhus en ur janglenn.

Jef Philippe, pedet er rann Skrivagnerien a skriv evit mont da gaout an dud all. «Un afer skeudennoù eo ar varzhoniezh,» emezañ.

A-bell zo e vez troet e brezhoneg testennoù eus broioù all ha dispaket en deus E. Hupel e oa : en em gavet ar brezhoneg dre laer e palez ar roue Charhyar e 1828.

Ha Savetaet e vo Belgia gant al lennegezh ? sed ar goulenn a sav J. Hellinx, un tañva eus barzhoniezh Els Moor bet anvet Barzhez ar Vammvro betek 2020, a zeu da heul.

Voltaire e brezhoneg ! Chabistr 1 Candide a zo bet troet gant M. Kerrain, ur skrid klasel bepred kempred keñver preder. Furnez ha kentel a zispak istor Izâg-Vras ar Glaver, bet skrivet gant T. Davis ha troet gant G. Konan gant aotre hegarat L. Guillouzer, lec’hiet eo e bro ar gKarouked, ur bobl eus hanternoz Kalifornia.

Hag e lodenn ziwezhañ an niverenn e adkaver A-dreuz lenn, Petra Nevez? hag an Notennoù.

Lennadenn zudius da bep hini!

Morgan Tremel



Merañ - Postmaster - Aozadur al lec'hienn - Darempred - Al Liamm 2017