Ar gelaouenn sevenadurel e brezhoneg - Bep eil miz - Koumanantit ! 35€ nemetken !
Ur gelaouenn lennegel e brezhoneg penn-da-benn eo Al Liamm, ha
kement-se abaoe ouzhpenn 80 vloaz.
Pellgargit un niverenn skouer ...
Diverradenn an niverenn ziwezhañ
Al Liamm niverenn 468
Hag aon ho po gant golo niverenn an nevezhañv? Peadra zo da skrijal…
Ha sioulaet e voc\'h gant an teir barzhoneg a voulc\'h an niverenn orañjez-mañ? Ket tre gant Bevañ, mervel, deviñ, beuziñ savet gant Mark Kerrain; H. Seubil gKernaudour a ginnig De Excidio Britanniæ hag Herve Bihan a gas ac\'hanomp da-heul Baleer kaeoù Landreger.
Teir danevell a zeu da-heul. Mali gant Youn Gourvès; kit da-heul Juju, Sali, Loig ha Polig an daou vreur gevell, hag e ouioc\'h petra eo Ar gaolviolin gant Iwan ar Fur; ha setu Gast ar c\'hazh! istor ur pried ha tad gwall sammet gant e vuhez luziet met n\'en deus tamm keuz ebet, a gont Tudual Audic.
Kristin David a lakao ac\'hanoc\'h d\'obet anaoudegezh gant Louis Lallour war digarez ur skrivadeg: Skrivadeg 2016: Kanañ a rin bepred!
Danvez liesseurt a gavoc\'h er rann Studiadennoù. Christian Rogel en deus furchet Penaos eo aet war-raok an embann brezhonek (1922-2012). Malo Bouëssel du Bourg a gont piv eo Eugène Aulnette, an eizhvet breur. Un danvez fonnus ha dedennus a zo gant Youenn Kalonek: Sevenadurioù ha Hin - I - Deroù an istor.
Evit klozañ an niverenn-mañ, 122 bajenn enni, e teskoc\'h kalz traoù gant A-dreuz lenn, Petra nevez? hag an Notennoù evel-just.
Skipailh Al Liamm
